रोहा : (रविंद्र कान्हेकर) विधान परिषद आ. अनिकेत तटकरे यांच्या हस्ते उडदवणे बस स्टॉपचे उदघाटन करण्यात आले. हा बस थांबा सोळा गावांसाठी फायदेशीर आहे. शाळा व महाविद्यालयात जाण्याकरिता विद्यार्थी या बस थांब्यावर भर उन्हात, पावासात व थंडीमध्ये बसची वाट पाहत तासंतास उभे राहतात. विद्यार्थी व प्रवासी ग्रामस्थ यांची ही समस्या सोडविण्यासाठी उडदवणे येथील तरुणांनी एकत्र येत स्थानिक स्वराज्य संस्था आ. अनिकेत तटकरे यांना उडदवणे बस थांबा व निवारा शेड होण्यासाठी निवेदन दिले. आ अनिकेत तटकरे यांनी क्षणाचाही विलंब न करता आपल्या स्थानिक विकास निधीतून या बस स्टॉपचे काम करण्यासाठी मंजुरी दिली. आणि अल्पावधीतच बस स्टॉपचे काम पुर्ण झाले. शनिवारी सायंकाळी या बस स्टॉपचे उदघाटन आ. अनिकेत तटकरे यांच्या हस्ते करण्यात आले. त्यामुळे सोळा गावातील विद्यार्थी व ग्रामस्थाची समस्या दूर झाली.
यावेळी राष्ट्रवादीचे जिल्हाध्यक्ष मधुकर पाटील, रोठ खुर्दचे सरपंच गीता मोरे, ग्रामपंचायत मलसई सरपंच रसिका मालुसरे, तळवली तर्फे अष्टमी सरपंच रविंद्र मरवडे, रोहा अष्टमी नगरसेवक महेश कोलाटकर, युवक अध्यक्ष जयवंत मुंडे, विभागीय नेते अनंत देशमुख, सदस्य जनार्दन मोरे, सरिता गायकर, युवानेते रविंद्र ठाकूर, निलेश मालुसरे, पांडुरंग कसारे, किशोर ठाकूर, दत्ता गायकर, गुणाजी माळी, कालभैरव ग्रामस्थ मंडळ उडदवणे, महिला मंडळ व युवक मोठ्या संख्येने उपस्थीत होते.