रोहा (प्रतिनिधी) रोहा तालुक्यात शहरी आणि ग्रामीण भागात २०१८ पासून सामाजिक शैक्षणीक कला क्रिडा सांस्कृतिक आरोग्य पर्यावरण तसेच विविध क्षेत्रात कार्यरत असलेल्या रोहा रोटरी क्लब सेंट्रलच्या सन २०२४ व २०२५ या सालाकरिता सामाजिक क्षेत्रात अग्रेसर असलेले रामचंद्र नाकती यांची सर्वानुमते अध्यक्षपदी निवड करण्यात आली आहे.
रोहा रोटरी क्लब सेंट्रलच्या सचिवपदी विजय दिवकर आणि खजिनदारपदी राकेश कागडा यांची १ जुलै २०२४ ते ३० जून २०२५ या कालावधीसाठी निवड करण्यात आली आहे. सामाजिक, शैक्षणिक, आरोग्य, पर्यावरण कला क्रिडा सांस्कृतिक तसेच बिल्डिंग व्यवसायिक क्षेत्रात अग्रेसर असलेले रामचंद्र नाकती हे गेली चार वर्षापासून रोटरी क्लब रोहा सेंट्रल मेंबर असून त्यांनी त्यांच्या माध्यमातुन शहरी आणी ग्रामीण भागात विविध प्रकारचे उत्तम उपक्रम राबविले आहेत. त्या अनुषंगाने रोहा रोटरी क्लब सेंट्रल यांच्या वतीने रामचंद्र नाकती यांची निवड करण्यात आली आहे. रोटरी क्लब रोहा सेंट्रल अध्यक्षपदी रामचंद्र नाकती यांची निवड झाल्याबद्दल सर्व स्तरातून त्यांच्यावर अभिनंदनाचा वर्षाव होत आहे.